У рамках мерапрыемстваў, прымеркаваных да Тыдня бацькоўскай любові, Музей сучаснай беларускай дзяржаўнасці падрыхтаваў выставачны праект, прысвечаны новаму святу ў нашай краіне – Дню бацькі, якое з гэтага года будзе адзначацца 21 кастрычніка.
У Беларусі вялікая ўвага надаецца ўмацаванню інстытута сям’і і сацыяльнай падтрымцы. Захаванне традыцыйных сямейных каштоўнасцей – важная частка сямейнай палітыкі, якая праводзіцца дзяржавай. Дзень бацькі закліканы паказаць важнасць мужчыны ў выхаванні дзяцей. У той час як мама дае дзіцяці пяшчоту, ласку, любоў і цяпло, тата забяспечвае абарону і ўпэўненасць, дапамагае вызначыцца з жыццёвымі прыярытэтамі, дзеліцца мудрымі жыццёвымі парадамі.
На часовай экспазіцыі прадстаўлены фатаграфіі са збору Нацыянальнага гістарычнага музея Рэспублікі Беларусь з вядомымі беларускімі навукоўцамі, пісьменнікамі, мастакамі і палітычнымі дзеячамі ў коле сям’і. Таксама на выставе можна пазнаёміцца з кнігамі айчынных і замежных аўтараў, якія раскрываюць вобраз бацькоўства, кнігі, ў якіх дзеці вядомых людзей распавядаюць пра сваіх знакамітых бацькоў. Асаблівая ўвага нададзена бацькам-героям перыяду Вялікай Айчыннай вайны.
Тэрмін працы выставачнага праекта: 14.10 – 31.10.2022
Выставу можна наведаць з панядзелка па суботу,
з 10 да 17:30 (субота да 17: 00).
Пры сабе неабходна мець пашпарт.
Дзецям да 11 гадоў (уключна), дакументы не патрэбныя.
панядзелак - пятніца: з 10.00 да 18.00
Уваход для наведвальнікаў: з 10.00 да 17.30
Каса працуе: з 10.00 да 17.30
субота: з 10.00 да 17.00
Уваход для наведвальнікаў: з 10.00 да 16.30
Каса працуе: з 10.00 да 16.30
Выходны дзень – нядзеля
Для дарослых:
Агляд сталай экспазіцыі – 6 бел.руб.
Экскурсія – 8 бел.руб.
Для студэнтаў дзённай формы навучання:
Агляд сталай экспазіцыі – 4 бел.руб. 50 кап.
Экскурсія – 8 бел.руб.
Для школьнікаў і навучэнцаў ССНУ:
Агляд сталай экспазіцыі – 3 бел.руб.
Экскурсія – 8 бел.руб.
вул. К. Маркса, 38, пад'езд №4, Мінск, 220030, Рэспубліка Беларусь
вул. К. Маркса, 38, пад'езд №4, Мінск, 220030, Рэспубліка Беларусь
+375 17 2340152
+375 17 3220697